2015年8月3日：17w2 胎心機

原來流啡入一入醫院，真係對我影響好大，就算靜養完，都係好擔心，好驚BB唔知會唔會突然無左！（因為仲未感覺到有胎動）有晚仲忍唔住打俾阿媽狂喊，阿媽都叫我不如返娘家住一排啦，不過我一諗起D龜龜無人照顧就放棄左，唯有叫自己唔好亂諗野！（後尾11月阿媽同我講返，原來佢知道我咁都好擔心，仲幫我去左黃大仙，感動！）

我都有同Tammy呻，佢真係好好，仲送左部全新既胎心機俾我！真係好感激佢，真係打後幾個月我幾乎日日都有用部機聽BB心跳！果日中午佢黎左CWB俾機我，我一拎完，就即刻是但買左D蘆薈GEL，係公司廁所度試用，部機都好易用，好快我就搵到BB心跳，安樂哂！