2015年7月29日：16w4 中醫安胎

自從流啡出左院之後，拎左一個星期假在家訓床，雖然暫時無咩事，不過都係勁擔心，Cammy叫我可以試下食中藥安胎，所以即刻去左睇中醫喇！

中醫除左話會開藥俾我安胎之外，一睇我唇色呀，指甲色已經話我燥熱到不得了！叫我唔好再飲老火湯，得閒食下涼野（西瓜都得！）或者我鍾意食既野（公仔麵都得！），佢話如果唔係，你又辛苦，又會影響BB！嘩我聽完之後不知幾鬼興奮，唔理老公同阿媽既反對，拿拿聲去斬邊西瓜同買10包公仔麵返屋企！當然啦，西瓜我都係切少少姐。另外又買左菊花沖水飲，真係飲落舒服好多！

講返安胎藥，我都有上網CHECK下D成份，飲左幾劑（煲藥），起碼無咩奇怪野，同埋發覺D分泌都真係小左，我諗真係有效！之後一兩個月我都有KEEP住執藥清熱毒，每次都時好時壞啦，到最後我發覺自己其實戒甜野同飲大量水係幾WORK的！